Сонуннар! Сонуннар! Сонуннар!

Сэтинньи ый 25 күнүгэр Алаҕар нэһилиэгэр тыа хаһаайыстыбатын күнүн уруйдуу - айхаллыы көрүстүлэр.

Ол курдук дьоро күммүтүгэр улахан суолталаах тэрээһиннэр ыытылыннылар.

Нэһилиэкпит уран тарбахтаах Далбар Хотуна Анна Алесандровна Попова "Алаас ийиитэ" айар быыстапкатын үөрүүлээх аһыллыыта буолла. Анна Александровна сиэли, кылы, кыбытыгы баһылаабыт бастыҥ иистэнньэҥ буолар. Бу күн Анна Александровнаҕа "Алаҕар нэһилиэгин норуотун маастара" анал бэлиэ туттарылынна.  Анна Александровнаҕа айар үлэтигэр ситиһиилэри, тус олоҕор дьолу - соргуну, чэгиэн, доруобай буоларыгар баҕарабыт.

"Күөх төлөн" автономнай газ ситимигэр киирии үөрүүлээх чааһа. 

Илин эҥэргэ бастакынан "Якутские газовые сети" тэрилтэ нөҥүө автономнай газ ситимгэр киирии үөрүүлээх чааһа буолла. Бу ситимҥэ нэһилиэкпитигэр центральнай отопления кыайан киирбэт түөлбэтигэр уопсайа 7 ыал холбонно. Инникитин бу тэрилтэ олохтоохтору кытары өссө да үлэлэһэр баҕалаах. Күөх төлөҥҥө холбоммут ыалларбытыгар куруук сылаас дьиэни, этэҥҥэ буолууну баҕарабыт.

Тыа хаһаайыстыбатын үлэһиттэрин күнүгэр үгүс сылларга бэриниилээхтик, үтүө суобастаахтык сүөһү, сылгы иитиитигэр үлэлээбит, үлэлии сылдтар бэлиэ күннээх дьоммутугар Республикаттан, улуустан, нэһилиэктэн наҕараадалар туттарылыннылар. 

"Уруйдуоҕун үлэ киһитин" Тыа хаһаайыстыбатын күнүгэр сүүйүүлээх оонньуу

Сүүйүүлээх оонньууга уопсайа 39 бириис оонньонно. СУПЕР ПРИЗ - Тыыннаах убаһа

лотерея инстаграм нөҥүө прямой эфирга ыытылынна уонна QR - кодтаах, сертификаттаах көрөөччүлэрбит,ыалдьыттарбыт зрительнай залга олорон көрдүлэр.

СҮРҮН БИРИИҺИ СҮҮЙДЭ - Алаҕар нэһилиэгин олохтооҕо Илья Федорович Гоголев