Кыайыы күнүгэр ыытыллыбыт күрэхтэр түмүктэрэ:

Бүгүн ыам ыйын 9 күнүгэр 10 чаастан Алаҕар нэһилиэгэр Кыайыы 77 сылынан  үөрүүлээх тэрээһинэ үрдүк таһымнаахтык ааста. Ардаҕы - хаары билиммэккэ Кыайыы бырааһынньыгар өрө күүрүүлээхтик ыллаан - туойан, Кыайыы знамятын өрө көтөҕөн киллэрдилэр Алаҕар орто оскуолатын "Мохсоҕол" байыаннай - патриотическай клууп байыастара. Сэрии толоонугар охтубут, сураҕа суох сүппүт, тыылга хорсуннук кыайыы туһугар үлэлээбит, эйэлээх олоҕу тутуспут күндү дьоммут сырдык кэриэстэригэр сүгүрүйэн гирлянданы уурдулар Алаҕар нэһилиэгин МТ баһылыга Н.П. Попов, аатырбыт артиллерист, Советскай Союз геройа Г.Д. Протодьяконов сиэн уола Г. Д. Протодьяконов, Алаҕар орто оскуолатын "Мохсоҕол" байыаннай - патриотическай кулууп хамандыыра 9 кылаас үөрэнээччитэ Кеша Сивцев. Үөһэнэн Хаас үөрэ ааһан дьону үөртэ - көтүттэ, Кыайыы оһуохайын Е.Н. Тотонова дьиэрэттэ!

Гоголев Илья Федорович, Вера Афанасьевна үлэ, тыыл ветераннарын сиэн уоллара И.Ф. Гоголев, кэргэнэ В.Э. Гоголева нэһилиэкпит 9 ветеран дьонугар бэйэлэрин продукцияларын бэлэх ууннулар! 

Нэһилиэкпит тэрилтэлэрэ ол кэмнээҕи ырыалары ылаатылар - туойдулар! 

Жанна Шеломова ыллаан дьону - сэргэни долгутта, П.Тобуруокап хоһооннорунан композиция сэрии ыар кэмнэрин санатта.

Минньигэс хааһыны буһаран, сылаас чэйи өрөн Алаҕар орто оскуолатын повар кыргыттара күндүлээтилэр, дьон - сэргэ итии хааһыны сиэн дуоһуйда, астынна!

Саха АССР төрүттэммитэ 100, Улуу кыайыы 77, Хоту көһөрүллүү 80, ​ Россияҕа Культурнай нэһилиэстибэ, Саха Республикатыгар Ийэ, Чурапчы улууһугар Ийэ сир, Алаҕар нэһилиэгэр Культура сылларыгар анаан Ала5ар нэһилиэгин олохтоохторугар ​ ыытыллар конкурстар балаһыанньалара:

 “Кыайыы алаадьыта” күрэх балаһыанньата.

Буолар сирэ: Алаҕар нэһилиэгэ, “Ырыа” норуот айымньытын дьиэтин иннитэ

 Буолар күнэ: Ыам ыйын 9 күнэ, күнүс 12:00 чаастан;

• Кыттыыны ылаллар Алаҕар нэһилиэгин бары олохтоохторо, сааһынан хааччаҕа суох;
• Сибиэһэй саҥа буспут, сиэдэрэй алаадьынан​ Улуу Кыайыы 77 сылыгар анаан композиция оҥорон аҕалаҕыт;
• Композиция тутулуга бэйэҕит көрүүгүтүнэн, идеяҕытынан буолуохтаах;
• Алаадьыга эбии атын ас-үөл, кыайыыга аналлаах атрибут туттуллара биһирэнэр;
• Бэлэм алаадьылаах композицияны кулууп дьиэтин иннигэр 12 чааска остуолга аҕалан уураҕыт;

 “Кыайыы, кыайыы күнэ!” хартыынаны тилиннэрии күрэх балаһыанньата. 

 Тэрийээччилэр: Алаҕар нэһилиэгин “Ырыа” норуот айымньытын дьиэтэ

 Ыытыллар күнэ: Ыам ыйын 5 - 9 күнүгэр диэри, түмүк ыам ыйын 9 күнүгэр киэһээ 20:00 чаастан, Кыайыы болуоссатыгар

 Кыттааччылар: Алаҕар нэһилиэгин олохтоохторо

 Күрэх ирдэбиллэрэ: 

• Кыттыыны ылаллар Алаҕар нэһилиэгин бары олохтоохторо, сааһынан хааччаҕа суох;
• Улуу кыайыы күнүгэр аналлаах хартыынаны, хаартысканы үтүктэн, тилиннэрэн хаартыскаҕа түһэрэн ыытаҕыт;
• Хаартыска түһэриллиитэ, үтүктүүтэ, таҥаһа-саба, композицията барыта сыаналанар;
• Үлэлэргитин 89248774209(Калерия Борисова) Ватсап нөҥүө ыам ыйын 9 күнүгэр диэри ыытаҕыт;

Кыайыылаахтары дьүүллүүр сүбэ быһаарар

 

“Туругур, кыайыы күнэ!” байыаннай техника макетыгар күрэх балаһыанньата .

Буолар сирэ: Алаҕар нэһилиэгэ, “Кыайыы” скверыгар

 Буолар күнэ: Ыам ыйын 9 күнүгэр

 Кыттааччылар: Алаҕар нэһилиэгин олохтоохторо;

 Күрэх ирдэбиллэрэ: 

• Кыттыыны ылаллар Алаҕар нэһилиэгин олохтоохторо;
• Улуу кыайыы күнүгэр анаан оҕо коляскатын, велосипедтары, массыыналары, араас техниканы байыаннай ​ самолет, танка, массыына курдук оҥорон киэргэтии; 
• Оригинальность, темаҕа сөп түбэһиннэрии;
• Кыайыы парадыгар, ыам ыйын 9 күнүгэр,​ колоннанан киирэн хаамаҕыт;

Кыайыылаахтары дьүүллүүр сүбэ быһаарар.

 

💃🏻🕺🏻 “Майский вальс” 🕺🏻💃🏻күрэх балаһыанньата.

 

Буолар сирэ: Алаҕар нэһилиэгэ, Кыайыы сквера

 Буолар күнэ: Ыам ыйын ​ 9 күнэ, киэһээ 20:00 чаастан

 Кыттааччылар: Алаҕар нэһилиэгин тэрилтэлэриттэн 2 пара үҥкүүһүттэр кытталлара ирдэнэр.

  Күрэх ирдэбиллэрэ: 

• Тэрилтэ аайыттан 2 пара вальс үҥкүүлүүллэр;
• Уолаттарга военнай форма (кулууптан уларсыаххытын син), кыргыттарга вальска барсар сэрии саҕанааҕы былааччыйа;
• Сирэй-харах, прическа оҥоһуллуута биһирэнэр;
• Тыыннаах доҕуһуолунан “Тучи в голубом” ​ ырыанан вальс темпатынан 3 мүнүүтэ үҥкүүлүүгүт;
• Вальс свободнай темалаах;
• Кыттааччылар сааһынан хааччахтамматтар;
• Дьүллүүр сүбэ кыайыылаах параны быһаарар, грамотанан наҕараадаланар.

Кыайыы вальса диэн ааттанан видеоролик тахсар;

Өйдөбүнньүк уопсай хаартыскаҕа түһүү буолар!

Алаҕар нэһилиэгин олохтоохторо, конкурска көхтөөх кыттыыны ыларгытыгар ыҥырабыт!  

Муус устар 29 күнүгэр, киэһээ 19:30 чаастан

Муус устар 20 күнүгэр Чурапчыбыт киинигэр  А. П. Лыткина 95 сааһыгар анааллаах "Перспективы развития вокального искусства в Чурапчинском улусе" диэн темалаах семинар-практикум буолан ааста. Сарсыардаттан саҕалаан  "Айылгы" норуот айымньытын дьиэтигэр үөрэх, култуура уонна искусство эйгэтин ырыаҕа, музыкаҕа уһуйааччылара, уһуйуллааччылара тоҕуоруһа муһуннулар. Семинар үөрүүлээх чааһа "Ырыа" НАДь үлэһиттэрэ бэлэмнээбит А.П. Лыткина олоҕун, айымньылаах үлэтин сырдатар экспозициянан саҕаланна. Салгыы үөрэх уонна култуура салалтатын эҕэрдэлэрин кэннэ семинар практическай чааһа сүрдээх көдьүүстээхтик, бэрт туһалаахтык барда. Эбиэт кэннэ Чурапчытааҕы, Дириҥнээҕи оҕо искусствотын оскуолаларын үөрэнээччилэрин уонна преподавателлэрин, ону таһынан "Улыбка" уһуйаан кырачаан иитиллээччилэрин холбоһуктаах камерный концертарын көрөн-истэн дуоһуйдубут, долгуйдубут. Кэнсиэри тута туруоруллубут "Эҕэрдэ ырыата" хорунан түмүктээтибит. Ол  кэннэ, А.П. Лыткина үбүлүөйдээх 100 сааһын көрсө 5 сыллаах үлэ былааныгар "аһаҕас микрофон" форматынан этиилэри иһиттибит, санаалары үллэһиннибит. Киирбит этиилэри биир санаанан биһириирбитин биллэрдибит. Олус үчүгэй, интириэһинэй, туһалаах тэрээһин буолла диэммит үөрдүбүт, астынныбыт.