Спортзал сезонун саҕалаата!

Алтынньы 25 күнүгэр Алаҕар нэһилиэгин тэрилтэлэрин икки ардыларыгар волейбол күрэҕэ буолан ааста.

Ол түмүгүнэн:

1 миэстэҕэ - Алаҕар нэһилиэгин МТ дьаһалтатын, "Ырыа" норуот айымньытын дьиэтин, Почта России үлэһиттэрин холбоһуктаах хамаандата

2 миэстэҕэ - Самозанятайдар "Көҥүл Боотурдар"

3 миэстэҕэ - ЖКХ уонна Врачебнай амбулатория үлэһиттэрин холбоһуктаах хамаандата

4 миэстэҕэ - "Алгыс" уһуйаан уонна 6№ МПЧ үлэһиттэрин холбоһуктаах хамаандата

5 миэстэҕэ - Г. Д. Протодьяконов аатынан Алаҕар орто оскуолатын хамаандата

Алтынньы 26 күнүгэр сарсыарда А. П. Лыткина аатынан "Ырыа" норуот айымньытын дьиэтигэр Чурапчы культуратын управлениятын саҥа анаммыт салайааччытын Петр Егорович Гуляевы, Олоҥхо дьиэтин салайааччытын Дмитрий Дмитриевич Попову, Чурапчы улууһун киин библиотекатын методиһын Дария Пантелеймоновна Егасованы кытта көрсүһүү буолла. Салайааччылар инники үлэ былаанын кэпсээтилэр, үлэҕэ - хамнаска кэккэ сүбэлэри биэрдилэр. 

Онтон 10:00 чаастан улуустааҕы доруобуйаларынан хааччахтаах дьон түмсүүтүн көҕүлээһининэн, “Вместе мы сила” бырайыагынан социальнай десант нэһилиэнньэни кытта көрүстэ, солун тэрээһиннэри ыыттылар.
Нэһилиэнньэ олохтоохторугар араас кыһалҕаны быһаарар специалистар көмөнү оҥордулар:
- Социальной харалтаттан салайааччы Л.В. Тосукаева;
- МФЦ специалиһа;
- Пенсионнай специалиһа;
- Нутрициолог - консультант (уопсай доруобуйа диагностиката)

Түөлбэлэринэн, доруобуйаларынан хааччахтаах дьоммут 5 көрүҥҥэ дартска, сыал ытыытыгар, хабылыкка, хаамыскаҕа, тенниска күрэхтэстилэр.

Күрэх түмүгүнэн:

Дартс
1 м - И. И. Оконешников
2 м - В.Н. Лыткин
3 м - Д.Н. Сорокоумов

Теннис
1 м - В. В. Пахомов
2 м - Т.И. Барашкова
3 м - М. И. Оконешников

Сыал ытыыта
1 м - Т.И. Барашкова
2 м - Е.Д. Сорокоумов
3 м - Н. Н. Баишев

Хабылык
1 м - А. А. Андреева
2 м - С. И . Баишева
3 м - Е.Д. Сорокоумов

Хаамыска
1 м - С. И. Баишева
2 м - Е.Д. Сорокоумов
3 м - А. А. Андреева

Алтынньы 27 күнүгэр Алаҕар нэһилиэгин норуотун маастара Александра Алексеевна Андреева "Кыл - сиэл оҥоһук кистэлэҥэ" маастар кылааһын ыытта. Төрүт удьуордарбыт сатабылларын дьоҥҥо - сэргэҕэ үөрэппит, эдэр көлүөнэни уһуйбут киһи диэн баҕа санаалаах Александра Алексеевна кылы сууйартан, тарыыртан кэпсээн, көрдөрөн саҕалаата. Кылы - сиэли хатан, тиһэн, иилиһиннэрэн оҥоруу араас ньымаларын кэпсээтэ. Бу барыта Александара Алексеевна баай опытын, уһун сыралаах үлэтин түмүгүн көрдөрөр. Маастар кылаас дьон сэҥээриитин ылла. Саҕалаабыт үлэбит туох эрэ кыра, улахан оҥоһук буолан түмүктээх буоллун диэн баҕа санааларын эттилэр.

Алаҕар нэһилиэгэр Ийэ, аҕа декадата алтынньы ый 10 күнүттэн – 18 күнүгэр диэри ыытылынна.

Бу декада чэрчитинэн “Кэрэ киһим – ийэм” уонна “Аҕалаах буоламмын” диэн хаартысканан быыстапка ютуб каналбытыгар таҕыста.

Алтынньы ый 11 күнүгэр “Байанайдаах буолуох” көрсүһүү буолан ааста. Манна “Дьэ-эрэ” эр дьон түмсүүтэ үлэтин сезонун саҕалаата. Олохтоох библиотека саалатыгар Г.Д. Протодьяконов аатынан Алаҕар орто оскуолатын үрдүкү кылаас уолаттарын кытта “Байанай” булт сиэрин - туомун, үгэстэрин туһунан кэпсэтии буолан ааста. “Дьэ-эрэ” түмсүү чилиэнэ Владимир Михайлович Барашков сааскы кус булдун туһунан кэпсээтэ, сүбэ-ама биэрдэ.  Кэпсэтиини түмсүү салайааччыта Руслан Федорович Гоголев иилээ-саҕалаан ыытта. Уолаттары физкультура учуутала Александр Александрович Христофоров салайан илдьэ кэллэ. Көрсүһүү түмүгэр Александр Александровичтыын сөбүлэһии, уолаттар уопсай физическай туруктарын, ону тэҥэ анньыынан ойбон алларыытыгар бииргэ үлэлэһиэхпит диэн буолла, саас оҕолорго булчут күрэҕин ыытыахпыт диэн сүбэлэстибит.

Алтынньы ый 17 күнүгэр социальнай үлэһит Ньургуйаана Михайловна Лыткина, нэһилиэк библиотекатын салайааччыта Екатерина Ивановна Попова уонна Алаҕардааҕы “Почта России” начальнига Татьяна Иннокентьевна Барашкова Алаҕар нэһилиэгин Герой ийэтигэр Матрена Кирилловна Протодьяконоваҕа илии тутуурдаах ыалдьыттыы бара сырыттылар. Истиҥ кэпсэтии, санаа үллэстиитэ тахсан герой ийэбит махталын ыллыллар.

Алтынньы ый 18 күнүгэр “Ийэлээх, аҕалаах буоламмын дьоллоохпун” үөрүүлээх тэрээһин буолан ааста. Бу тэрээһиҥҥэ ийэлэри, аҕалары чиэстээһин, Алаҕар нэһилиэгин МТ баһылыга Иван Иванович Оконешников эҕэрдэ тыла, саҥа ырыа сүрэхтэниитэ, мелодист, баянист, хоһоонньут, Чурапчы гимнын автора, «Иэйии» народнай квартет уонна Чыаппаратааҕы эр дьон народнай хорун тэрийээччитэ Федор Гоголев “Аҕабар” диэн ырыатын Алаҕар нэһилиэгин аҕаларын өрөгөй ырыатынан ылыныы презентацията, эҕэрдэ ырыалар, үҥкүүлэр дьон биһирэбилин ыллыллар. Ол курдук Герой ийэҕэ Матрена Кирилловна Протодьяконоваҕа Прасковья Ильинична Борисова аатынан премия үөрүүлээх быһыыга туттарылынна, ону тэҥэ Сардаана Борисовна Сорокоумоваҕа СР общественнай палататын председателын Николай Дмитриевич Бугаев почетнай грамотата, Федора Семеновна Новгородоваҕа СР дьахталларын союһун председателын Анжелика Егоровна Андреева почетнай грамотата, СР “Лига отцов” председателын Айхал Габышев грамотата Гаврил Иннокентьевич Гоголевка, Илья Федорович Гоголевка, Илья Серафимович Баишевка туттарылынна. Алаҕар нэһилиэгин МТ баһылыгын Эҕэрдэ суруга быйылгы сылга оҕоломмут эдэр ыалларга туттарылынна.

Алтынньы ый 5 күнүгэр Алаҕар нэһилиэгэр Е.Б. Хон аатынан саҥа врачебнай амбулатория дьиэтин акылаата түспүт, ууруллубут сиэрэ - туома ыытылынна.

Нэһилиэк олохтоохторо саҥа балыыһабыт тутуллан бүтэн, үлэҕэ киирэрин долгуйа күүтэбит.

Алаҕар нэһилиэгэр Аҕам саастаах дьоммут декадалара алтынньы ый 4 күнүттэн 10 күнүгэр диэри ыытылынна. Бу декада чэрчитинэн ютуб каналбытыгар араас сыллааҕы кэнсиэрдэр, биэчэрдэр, биэриилэр таҕыстылар, ону тэнэ Алаҕардааҕы участковай амбулатория фельдшера Саргылана Владимировна гриппол прививкатын ылыан баҕалаахтарга дьиэлэригэр тиийэн туруорда, социальнай үлэһит Ньургуйаана Михайловна маҕаһыынтан, кырдьаҕастар заказтарынан, ас-үөл ылан тиксэрэн биэрдэ. Алаҕар нэһилиэгин орто оскуолатын үөрэнээччилэрэ Тимуровскай көмө оҥорон саастаах дьоммутун үөртүлэр.

Түмүктүүр тэрээһининэн аҕам саастаах дьоммутугар аналлаах “Кэл, сэһэргэһиэх” истиҥ кэпсэтии буолла. Манна Аҕа баһылыкпыт Иван Иванович Оконешников ытык кырдьаҕастарбытын эҕэрдэлээтэ. Төгүрүк остуол тула олорон, итии чэй иһэ-иһэ бэйэлэрин сүбэлэрин, кэпсээннэрин, санааларын үллэстинниллэр, байаанынан ырыаны көҕүлүттэн туттулар.

А5ам саастаах кырдьаҕастарбытыгар тапталбыт, убаастабылбыт, махталбыт мунура суох. Кырдьар диэннэ кыһаллыбакка, ыарыы диэни ылыммакка, чиргил чэгиэн доруобуйаланын, уу чуумпу олохтонун, ыбылы дьоллоох суолланын, урдук туелбэлэнин, учугэй тыл муеттэнин, алгыс курдук олорун диэн баҕа санаабытын тиэрдэбит!

"Олох сал5анар, ырыа ылланар" 1 чааһа 

"Олох сал5анар, ырыа ылланар" 2 чааһа

"Олох сал5анар, ырыа ылланар" 3 чааһа

"Махтанабыт"  Федор Гоголев төрөөбүтэ 60 сылыгар анаан дьоро киэһэ 1 чааһа

"Махтанабыт"  Федор Гоголев төрөөбүтэ 60 сылыгар анаан дьоро киэһэ 2 чааһа

"Эдэр саас ырыата" урукку сылларга ыытыллыбыт баянынан ырыа киэһэтэ.

"Культура эйгэтэ" 2 - с биэриитэ. 1 чааһа 

"Культура эйгэтэ" 2 - с биэриитэ. 2 чааһа

Доруобуйа харыстабылын бочуоттаах үлэһитэ Екатерина Бонжуевна Хон - Хон Катя төрөөбүтэ 100 сылыгар анаан бииргэ алтыһан, үлэлээн ааспыт, биир дойдулаахтарын ахтыылара