Улуу Россиябыт баай историялаах Санкт -Петербург куоратыгар Чурапчы улууһуттан Алаҕар нэһилиэгиттэн "Алаҕар Далбардара" үҥкүү бөлөҕө олунньу 17-24 күннэригэр 6 -тыс "Хотугу кустук" норуот маастардарын быыстапкатыгар кыттан кэллилэр.
"Бастакы күн Зеленогорскайга Саха сириттэн СВО-ҕа сэриигэ сылдьан бааһырбыт уолаттары кытта көрүстүбүт, ирэ-хоро кэпсэтэн,санааларын көтөхтүбүт. Кэһиибитин, дойду аһын, волонтер Варвара Илларионоваҕа туттардыбыт, кинилэр сахалыы ас астаан сибиэһэйдии илдьэллэр эбит. Уолаттарбыт баҕаларын толорон таҥас набора, фрукта атыылаһан илдьэн алҕаан, харысхал бэлэхтээн, уолаттарбытыгар күүс-көмө өйөбүл буоллубут. Москва,Санкт-Петербург волонтердарын кытта
сибээс олохтоотубут. Санкт Петербурдааҕы Постпредство бэйэтин массыынатынан көмөлөстө.
Сарсыныгар бүтүн Россиятааҕы этнографическай музей мраморнай заалыгар улахан сахалыы концертнай программаҕа кытынныбыт. Сүрдээх улахан историческай музейга Россия бары норуоттарын үгэстэрин, таҥастарын-саптарын дуоһуйа көрдүбүт.
Олунньу 23 күнүгэр Герцен аатынан хотугу норуоттар институттарыгар норуот маастардарын быыстапката, маастар кылаастара дьон-сэргэ интэриэһин тардан, тэрээһиннээхтик ааста.
Сарсыҥҥы күнүгэр Санкт Петербург журналистарын дьиэтигэр маастардар быыстапкалара, концерт буолла.
Бары тэрээһиннэргэ биһиги сахалыы соммутунан дефилеҕа кыттан, 2 үҥкүүнү үҥкүүлээн, көрөөччүлэрбит махтанан дохсун ытыс тыаһын бэлэхтээтилэр.
Бу маннык үрдүк таһымнаах дьаһалга соһуччу бэлэҕинэн "Алаҕар аймах" түмсүү аатыттан сибэкки дьөрбөтүн тутан соһуччу үөрүү буолла. Дуоһуйуу, дьол түгэнин бэлэхтээбит Алаҕар аймах салайааччытыгар Гоголева Т.А. барҕа махтал. Чэгиэн сырыт,үлэҕэр ситиһиилэри баҕарабыт.
Сахабыт сирин туһунан өйдөрүгэр-санааларыгар үтүө өйдөбүлү хаалларан, өйдөбүнньүк хаартыскаҕа түһэн бары да астынан, дуоһуйан тарҕастыбыт. Сахабыт сирин киэн тутта ааттаан, биир сомоҕо буолан бары тэрээһиннэр үрдүк таһымҥа аастылар.
Бу ыраах дойдуга барарбытыгар көмөлөспүт нэһилиэкпит баһылыгар Оконешников И.И,биир дойдулаахпытыгар Максимов Н.В.барҕа махтал буоллун. Этэҥҥэ, доруобайдык сылдьыҥ, үлэҕит ситиһиилээх буоллун.
Историческай куоракка биһигини ыҥыран, улахан тэрээһиҥҥэ салайан илдьэ сылдьыбыт "Северная радуга" Хотугу норуоттар культураларын фондатын сайдыытын Президеныгар Борисова А.В. барҕа махтал. Бу курдук Сахабыт сирин төрүт культуратын сайдыытыгар кылааккын киллэрэ сырыт, доруобай буол,үлэҕэр ситиһиилэри.
Олохпутугар биир кэрэ-бэлиэ түгэн умнуллубакка сүрэхпитигэр сылдьыа" - "Алаҕар Далбардара" үҥкүү коллектива, сал. Ефремова А.Е.
Олунньу ый 2023сыл