Олунньу 25 күнүгэр Аҕа дойду көмүскээччилэрин күнүгэр аналлаах "Эр киһи эрэллээх эркиммит - инники кэскилбит" тэрээһин үрдүк таһымҥа буолла.
- Күнүс П.Д. Ефимов аатынан спортзалга түөлбэлэр икки ардыларыгар Федор Ильич Гоголев аатын ааттатан аймахтара, оҕолоро туруорбут бириистэригэр Воздушка саанан ытыыга күрэх олус көхтөөхтүк ыытылынна.
Хамаанданан 1 миэстэни эрэллээхтик Сардаҥа түөлбэ ылла - 15 000 солк
2 миэстэ Дьөһөгөй
3 миэстэ Чолбон
Мунутуур кыайыылаахтар
1м - Софронов Семен - 5 000 солк
2м - Мохначевскай Андрей - 3 000 солк
3м - Новгородов Нестор - 1 500 солк
- Федор Ильич үлэлээн ааспыт Балыыһатын коллектива туруорбут 2 000 т сертификат Кэрэ анардар икки ардыларыгар үчүгэй ытыыны көрдөрбүт Оконешникова Марианна тутта.
- Анна Афанасьевна дьиэ кэргэнин анал бирииһэ - Слепцов Иннокентий Филипповичка.
Федор Ильич Гоголев сырдык аатыгар анаммыт тэрээһин үрдүк таһымҥа ааспытынан Кыттыыны ылбыт дьоммутугар, Түөлбэ салайааччыларыгар, күрэхтэспит хамаанда чилиэттэригэр Сүөдэр оҕолорун, аймахтарын ааттарыттан махтал тылларын этэллэр.
- Онтон салҕыы А.П. Лыткина аатынан "Ырыа" норуот айымньытын дьиэтигэр, "Оҕо иитиитигэр төрүт үгэстэр суолталара"Сахалыы тыыннаах аһаҕас кэпсэтии ыытылынна.
Кыттыыны ыллылар:
Ыҥырыылаах ыалдьыттар Дьокуускай куораттан Иван Иванович Шамаев физмат наука кандидата, Михаил Федорович Семенов физмат наука кандидата, Чурапчыттан Руслан Романович Ефремов, Егор Егорович Куприянов, Хаҥаластан Радион Алексеевич Захаров.
Нэһилиэкпит киэн туттар Бочуоттаах олохтоохторо Егор Дмитриевич Сорокоумов, Михаил Иванович Оконешников, Гаврил Гаврильевич Оконешников, Иннокентий Филиппович Слепцов.
Нэһилиэкпит олохтоохторо, тэрилтэлэрбит үлэһиттэрэ кэлэн истэн санааларын атастаһан бардылар. Маннык сахалыы тыыннаах түмсүүгэ оҕолорбутун Үтүөҕэ кэрэҕэ угуйар Г.Д. Протодьяконов аатынан Алаҕар орто оскуолатын, "Алгыс" уһуйаан коллективтара кэлэн санааларын үллэстибиттэриттэн кэлбит ыалдьыттарбыт астыммыттарын биллэрдилэр.
Түмүккэ Иван Иванович Шамаев "Солбук баар, үчүгэй буолуохпут, Сахалар саамай түмсүүлээх норуоппут" - диэн этиитинэн түмүктээтэ.
"Дьэ, эрэ" кулууп тэриллиэҕитэн биһиги нэһилиэкпитигэр Саха норуотугар саамай биллэр көстөр дьоммут Мандар Уус, Уйбаан Понамарев, Иван Шамаев кэлэн барбыттара элбэҕи этэр.
Араас тэрээһиннэри тэрийэллэрин таһынан Маннык дьону кытары эн - мин дэһэн алтыһан үлэлии сылдьар күүстээх санаалаах, нэһилиэкпит сайдарын туһугар күүскэ үлэлии сылдьар дьоммутугар, "Дьэ, эрэ" кулууп уолаттарыгар Руслан Федорович Гоголевка, Иван Алексадрович Новгородовка, Николай Петрович Оконешниковка махтанабыт, ситиһиилэри баҕарабыт.
