Номох буолбут артиллерист, норуот Геройа Гаврил Дмитриевич Протодьяконов 100 сылын көрсө , Улуу Кыайыы 75 сылыгар анаан, "Уоттаах кыргыс Улуу Боотура" документальнай киинэ презентацията буолан ааста.

Кулун тутар 11 күнүгэр 2021 с Алаҕар нэһилиэгэр номох буолбут артиллерист, норуот Геройа Гаврил Дмитриевич Протодьяконов 100 сылын көрсө, Улуу Кыайыы 75 сылыгар анаан, "Уоттаах кыргыс Улуу Боотура" документальнай киинэ презентацията буолбута. Киинэ ааптара - Саха республикатын культуратын үтүөлээх үлэһитэ, диктор, журналист, суруйааччы, "Саха" НКИК редактора - Наталья Владимировна Михалева - Сайа. Ааптар юбаар материалларга, докумуоннарга олоҕуран ытыктыыр, дьоруойбут аатын дьон - сэргэ иннигэр тилиннэрдэ!

Бу иннинэ, 2017с Г.Д. Протодьяконов туһунан "Маршал уонна Саха саллаата" диэн киинэни Сайа оҥорон таһаарбыта.

"Уоттаах кыргыс улуу Боотура" документальнай киинэни Улуу киһи төрөөбүт Алаҕарыгар уһуллулар.

Оруолларга оонньоотулар: 

1. Протодьяконов оруолугар - Чурапчыттан төрүттээх Саха тыйаатырын артыыһа Николай Протасов

2. Генерал В. Чуйков Нуучча тыйаатырын артыыһа Владислав Мичурин

3. Ийэтин оруолугар - Г.Д. Протодьяконов аатынан Алаҕар орто оскуолатын учуутала Анастасия Сивцева

4. Аҕатын оруолугар - Николай Оконешников

5. Кэргэнин Маайа оруолугар - Ф.Гоголев аатынан Чыаппаратааҕы эр дьон народнай хорун салайааччыта, хормейстер Мичилия Обутова

6. Гаврил Протодьяконов оҕо сааһын оруолугар - Дархан Дьячковский

7. Сэриигэ ыҥырыллыбыт саллаат уолаттар оруолларыгар Алаҕар нэһилиэгин ыччаттара оонньоотулар

Айар бөлөх:

- Режиссер - Нина Корнилова

- Оператор - Илья Жараев

- Тыас - уус - Илья Петухов