Россияҕа культурнай нэһилиэстибэ, Саха АССР төрүттэммитэ 100 сылыгар, РСФСР уонна Саха АССР үтүөлээх артыыската Анастасия Петровна Лыткина 95 сааһыгар, Чурапчы гимнын ааптара, мелодист Федор Федорович Гоголев 60 сааһыгар аналлаах
Алаҕар нэһилиэгэр “Үрүҥ тунах ыһыаҕар” төрүт үгэскэ ыытыллар
“Саха талба – мааны таҥаһа” саха таҥаһын күрэҕин ТОСХОЛО:

Буолар күнэ: Бэс ыйын 11 чыыһылата, 2022 сыл
Бириэмэтэ: 13:00 чаастан
Буолар сирэ: Алаҕар нэһилиэгин паарката
Сыала-соруга:
- Саха омук төрүт үгэскэ олоҕурбут таҥаһын көрдөрүү, пропогандалааһын;
- Сахалыы мааны таҥаһы тигэр, айар Алаҕар нэһилиэгин иистэнньэннэрин сайыннарыы, түмүү;
- Саха таҥаһын үйэлэргэ мунньуллубут үтүө үгэстэрин, оһуорун-мандарын, сиэдэрэй симэҕин тэнитии, тарҕатыы, эдэр көлүөнэ ыччакка тиэрдии;
- Дьиэ-кэргэнинэн саха национальнай танаһын таҥныы үгэһин олохтооһун уонна үйэтитии.
Күрэх кыттааччыларыгар ирдэбил: Кыттааччылар күрэххэ саха таҥаһын көрдөрөллөр. Кыттааччылар таҥастарын көрдөрөллөрүгэр сөптөөхтүк анал музыканан сыанаҕа тутта-хапта сылдьарга бэлэмнээх буолаллара ирдэниллэр.
Күрэххэ кыттар таҥас көрүҥнэрэ:
- Дьиэ-кэргэн сахалыы таҥаһа;
- Эр киһи таҥаһа;
- Дьахтар таҥаһа;
- Оҕо таҥаһа

Күрэххэ сыаналанар:
- Көрдөрүллэр таҥас саха ииһин үгэстэрин тутуһан тигиллиитэ;
- Саха таҥаһын төрүт өҥнөрүн, оһуорун-мандарын тутуһан тигии;
- Саха таҥаһын толору симэҕэ, киэргэлэ;
- Сыанаҕа тутта-хапта сылдьыы, көрдөрүллэр таҥас өрүттэрин арыйыы.

Кытааччы сааһа хааччахтаммат

Кыттыы иһин төлөбүр: 150 солк

Биһирэбил көрүҥнэрэ:
- 1, 2, 3 миэстэ
- Хас биирдии кыттааччыга туоһу сурук
- Дьүүллүүр сүбэ көрүүтүнэн миэстэ таһаарар, быһаарыыта бүтэһиктээх

Сиһилии ​билсэр телефоҥҥут: А.П.Лыткина аатынан​ “Ырыа” норуот айымньытын дьиэтэ, 89248774209 Борисова Калерия Матвеевна

Россияҕа культурнай нэһилиэстибэ, Саха АССР төрүттэммитэ 100 сылыгар, РСФСР уонна Саха АССР үтүөлээх артыыската Анастасия Петровна Лыткина 95 сааһыгар, Чурапчы гимнын ааптара, мелодист Федор Федорович Гоголев 60 сааһыгар аналлаах

Алаҕар нэһилиэгэр “Үрүҥ тунах ыһыаҕар” төрүт үгэскэ ыытыллар “Кырдаһын умсулҕана” кырдааһынтан кыбытан - аттаран тигиллибит оҥоһуктарга​ быыстапка - көрүү күрэҕин ​ ТОСХОЛО:
Буолар күнэ: Бэс ыйын 11 чыыһылата, 2022 сыл
Бириэмэтэ: 10:00 чаастан
Буолар сирэ: Алаҕар нэһилиэгин паарката, Норуот маастардарын ураһата
Сыала-соруга:
- Саха омук төрүт ииһин кырдааһыннары кыбытыктаан - аттаран тигии ньыматын пропагандалааһын, тарҕатыы;
- Алаҕар нэһилиэгин иистэнньэннэрин сайыннарыы, түмүү;
- Өбүгэ төрүт үгэһин тутуһан иис таһымын үрдэтии.
Күрэх кыттааччыларыгар ирдэбил: Кыттааччылар оҥоһуктарын быстапка – көрүү күрэҕин түһүлгэтигэр, нэһилиэк Норуот маастардарын ураһаларыгар аҕалаллар. Толору аатын суолун, оҥоһугун аатын суруйар.
Күрэххэ кыттар:
Аттаран – кыбытан тигиллибит панно, көбүөр, олбох, суумка, сэлиэччик, сон, уо.д.а оҥоһуктар.

Күрэххэ сыаналанар:
- Саха ииһин үгэстэрин тутуһан тигиллиитэ;
- Үлэ ис хоһооно;
- Өҥнөрүн, оһуорун-мандарын таба дьүөрэлээһин;
Кытааччы сааһа хааччахтаммат
Кыттыы иһин төлөбүр: 150 солк
Биһирэбил көрүҥнэрэ:
- 1, 2, 3 миэстэ
- Хас биирдии кыттааччыга туоһу сурук
- Дьүүллүүр сүбэ көрүүтүнэн миэстэ таһаарар, быһаарыыта бүтэһиктээх.
Сиһилии билсэр телефоҥҥут: А.П.Лыткина аатынан​ “Ырыа” норуот айымньытын дьиэтэ, 89248774209
Борисова Калерия Матвеевна